Carta do Presidente

Para ler noutro idioma, fai clic no botón correspondente

Loitamos contra a pobreza, contra o desperdicio e aproveitamos os excedentes
Como presidente da Federación Española de Bancos de Alimentos, desexo darvos a benvida á nosa páxina web, na que tentaremos mostrarlles un pouco do espírito e os valores que inspiran a nosa razón de ser, a dos Bancos de Alimentos.
 
Os 54 Bancos asociados de toda España desenvolvemos a nosa tarefa en tres frontes: a loita contra a pobreza, o malgasto de alimentos e o aproveitamento dos excedentes agrícolas.
 
Se preguntan como o facemos dicímoslles que mediante o voluntariado con toda a convicción de que somos capaces, máxima entrega e compromiso social, así como co apoio das institucións, tanto públicas como privadas, que son conscientes da necesidade de combater esta lacra social.
 
Para lograr os obxectivos mencionados, facemos un chamamento á súa imprescindible colaboración como cidadáns, cooperativas, fabricantes e distribuidores de produtos alimentarios para que evitemos o malgasto no fogar, no campo, na fábrica e no sector de distribución mediante unha intelixente e eficaz xestión na utilización e tratamento dos alimentos en todas e cada unha das súas fases de produción, distribución e consumo.
 
Desde esta Federación, mandamos todo o noso apoio ás persoas e familias que sofren as consecuencias desta grave crise económica e que ven obrigadas a recorrer aos Bancos de Alimentos.
 
Transmitímosvos desde aquí todo o noso ánimo e esforzo, e o compromiso de que facemos todo o que está na nosa man para que ningunha persoa; ningún neno, ningún ancián, quede sen os seus alimentos. O camiño non é fácil se estamos sós, pero acompañados facemos deste mundo un lugar mellor.
 
Pedro Miguel Llorca Llinares
Presidente FESBAL
  • Facebook - círculo blanco
  • Twitter - círculo blanco
  • YouTube - círculo blanco
  • Instagram - Círculo Blanco
  • LinkedIn - círculo blanco
Federación Española de Bancos de Alimentos

Ctra. Colmenar Viejo. Km 12,8
(Ciudad Escolar) 28049, Madrid
TELÉFONO: 917 356 390
CORREO: fesbal@fesbal.org

© Federación Española de Bancos de Alimentos 2020 | AVISO LEGAL Y POLÍTICA DE PRIVACIDAD Y COOKIES